Tuesday, 29 October 2013

// // 2 comments

What is ஹக்கிங் 01

”What is ஹக்கிங்”  என்கிற இந்த தொடரில் ஹக்கிங் பற்றி நிறையவே எழுதப்போகிறேன். முக்கியமாக ஹக்கிங், ஹக்கேர்ஸ், ஹக்கிங் வழிமுறைகளும் அவற்றை தடுப்பதற்கான வழிவகைகள் என இன்னும் பல விடயங்களுடன்  இத்தொடர் நீண்டு செல்லப்போகிறது. ஆனால் மிக முக்கியமான ஒரு விடயத்தை ”ஹக்கிங் வழிமுறைகளும் அவற்றை தடுப்பதற்கான வழிவகைகள்” 



குறிப்பிட வேண்டியிருக்கிறது, அதாவது 

என்னும் போது தனிநபர் பாதுகாப்புக்கு அச்சுறுத்தலாக இருக்கும் ஹக்கிங் முறைகள் மற்றும் அவற்றுக்கான பாதுகாப்பு வழிகள் பற்றியதே என்பதை நினைவில் கொள்க.
ஹக்கிங் என்றால் என்ன?
ஹேக்கிங் என்பது ஒரு வலையமைப்பிலோ அல்லது தனிநபர் இணையக் கணக்கிலோ உள்ள பாதுகாப்புக் குறைபாடுகளைக் கண்டுபிடித்து அவற்றைப் பயன்படுத்தி  திருட்டுத்தனமாக வலையமைப்புக்குள் நுழைவது அல்லது தகவல்களை திருடுவது அல்லதுவிட்டால் கையகப்படுத்துவது.
ஹக்கிங் பற்றிய ஒரு சின்னதான அறிமுகத்தோட ஹக்கிங் உலகின் போராளிகளான ஹக்கேர்ஸ்(Hackers) பற்றி சற்று விரிவாகவே பார்க்கலாமே.ஆனாலும் இணைய உலகைப் பொறுத்த வரையில் இன்றைய கதாநாயகர்களும் இவர்கள்தான் வில்லன்களும் இவர்கள்தான்.
ஹக்கேர்ஸ் - Hackers
ஹக்கிங் செயற்பாடுகளில் ஈடுபடுபவர்களை ஹக்கேர்ஸ் என பொதுவாக எல்லோரும் அழைப்போம். ஆனாலும் அவர்களின் நோக்கம் அதாவது குறிக்கோள், செயற்பாடுகள்,மற்றும் திறமை  போன்ற இன்னோரன்ன காரணங்களின் அடிப்படையில் அவர்கள் சமூகத்தால் வேறுபட்ட கண்களால் பார்க்கப்படுகிறார்கள். ஆக வெவ்வேறு முகங்களையுடைய ஹக்கேர்ஸ் பற்றி மேலே பார்க்கலாம்.
இன்றைய கணினிஉலகில் ஹக்கேர்ஸ்களில் பலவகையினர் உண்டு  ஆயினும் அவர்களில் Black Hat Hackers, White Hat Hackers, Grey Hat Hackers ஆகிய பிரிவினரே முக்கியமானவர்கள்.

Types of Hackers
1.Black Hat Hackers-  யார் இவர்கள்? ஹக்கேர்ஸ் உலகின் ஜாம்பவான்கள், மகா புத்திசாலிகள் ஆனால் துளியளவும் நல்லெண்ணம் இவர்களிடம் கிடையாது. இவர்களிடம் நிரம்பப்பெற்ற அறிவு முழுவதையுமே தீய நோக்கங்களுக்காக பயன்படுத்துவார்கள். சின்னதாக ஈமெயில் பாஸ்வேர்ட் திருட்டு தொடங்கி பாரிய வலையமைப்புகளை முடக்குதல் வரை அத்தனையும் இவர்களுக்கு அத்துப்படி.
இவர்களே பெரிதும் இணையத்தளங்களை முடக்குதல், மென்பொருள் க்ராக்கிங்(CRACKING SOFT WARES), வைரஸ்களை உருவாக்குதல், இணைய வங்கி, கடனட்டை மோசடிகளில் ஈடுபடல், தனிநபர் மற்றும் முக்கிய நிறுவனங்களின் இணையத்தளங்களிற்குள் புகுந்து தரவுகளை சேதப்படுத்தல் மற்றும் திருடுதல், இணையத்தளங்களின் சேவை வழங்கிகளான சேர்வர்களுக்குள் (SERVERS) ஊடுருவுதல் போன்ற பலவகையான தீய செயற்பாடுகளில் ஈடுபடுகிறார்கள்.
இவர்களின் பிரதான நோக்கம் பிறரின் தகவல்களை திருடுவதும் அனுமதியின்றி அவற்றை கையாள்வதும்தான். இப்படியாக திறமையைப் பயன்படுத்தி சட்டவிரோத வழியில் பணம் பார்ப்பதே இவர்களின் வேலை.
2.White Hat Hackers- இவர்கள் ஹக்கேர்ஸ் உலகின் போராளிகள். இவர்கள் தங்களுடைய அறிவை நல்ல செயற்பாடுகளிற்காகவே உபயோகிப்பார்கள். மேலும்  Black Hat Hackers ற்கு நேரெதிர் எண்ணம் கொண்டவர்கள்.இவர்களே சட்டரீதியாக ஏற்றுக்கொள்ளப்பட்ட ஹக்கேர்ஸ் ஆவர். இவர்களில் அனேகர் பெரிய பல நிறுவனங்களுடைய கணினி வலையமைப்புகளின் செக்கியூரிட்டி ஸ்பெசலிஸ்ட்(Security Specialist) ஆக வேலை பார்க்கிறார்கள். அன்ரி வைரஸ் மென்பொருள் தயாரிப்புகளில் இவர்களுடைய பங்கு அதிகமானது. இணைய வெளியைக் கலக்கிக் கொண்டிருக்கும் வைரஸ்கள், தீங்கு விளைவிக்கக்கூடிய புரோகிராம்கள் என்பவற்றிக்கு எதிராக போராடுவதே இவர்களின் வேலை.
3.Grey Hat Hackers-  இவனுங்க ஒரு மார்க்கமான ஆளுங்க, அதாவது கடவுள் பாதி மிருகம் பாதி என்கிறமாதிரி. இவர்கள் ஹக்கிங்கை முழுநேரமாக எடுத்துக்கொள்வதில்லை. உரு வந்தாற்போல நேரம் கிடைக்கும் போது க்ராக்கிங்(CRACKING), டீகோடிங்( DECODING), வைரஸ் உருவாக்குதல், தகவல் திருட்டு போன்றவற்றில் தங்கள் கைவரிசையினை காட்டிவிடுவார்கள்.
இவர்களே ஹக்கேர்ஸ் உலகின் முக்கியமான பிரிவினர் ஆவர், இவர்களை விட ஏனைய சிலவகை ஹக்கேர்ஸ்களும் உண்டு. அவர்களையும் பார்க்கலாம்
Script kiddies – ஹக்கிங் பற்றிய ஆரம்ம அறிவைப்பெற முயற்சிப்போர் அதாவது பிகினேர்ஸ்.நம்ம ஆட்கள் பலரும் இந்தவகைதான் இவர்களிடம் ஹக்கிங் பற்றிய போதிய பயிற்சி கிடையாது. எவனோ ஒருவன் கிரியேட் செய்த அப்ளிகேசன்ஸ்,ரூல்ஸ்  ஏதாவதொன்றை வைத்துக்கொண்டு ஹக்கிங் செய்ய முயற்சிப்பவர்கள் இந்த ரகம்.

Intermediate hackers- இவர்களுக்கு வலையமைப்பு, புரோகிராமிங் போன்றவற்றில் பாதி அறிவுண்டு. ஒரு புரோகிராமை உருவாக்கும் வல்லமை இருந்தாலும் பெரிதாக எதுவும் இவர்களால் செய்ய முடியாது. சின்னதான சில திருட்டுகளில் மட்டுமே இவர்களால் ஈடுபட முடியும்.அதாவது ஆபத்துக் குறைந்தவர்கள்.

Elite Hackers-  இவர்களுக்கு ஹக்கிங் தொடர்பில் பூரண அறிவுண்டு. இவர்களும் அப்லிகேசன், ரூல்ஸ் போன்றவற்றை தாங்களாக உருவாக்குவதில்லை தான் . ஏனெனில் அவர்களின் திறமைக்கு இவற்றின் தேவைப்பாடுகள் எதுவும் இருக்கப்போவதில்லை. எந்த அப்ளிகேசன் உதவியுமின்றி தங்கள் திறமையாலேயே சாதிக்க கூடியவர்கள். ஹக்கேர்ஸ் உலகின் முடிசூடா மன்னர்கள்.
மேலும் Coders,Admins ரகத்தைச்சேர்ந்த ஹக்கேர்ஸ் என இப்பட்டியல் நீண்டு சென்றாலும் முக்கியமான ஹக்கேர்ஸ் பிரிவினர் இவர்களே.
இந்த பதிவில் ஹக்கிங் பற்றிய சின்னதாக ஒரு அறிமுகத்தோட, ஹக்கேர்ஸ் பற்றி சற்று விரிவாகவே பார்த்தோம். அடுத்த பதிவில் ஹக்கிங் பற்றிய இன்னுமொரு பயனுள்ள அவசியம் தெரியவேண்டிய விடயம் பற்றி பார்க்கலாம்.
Read More

Saturday, 30 March 2013

// // Leave a Comment

ஃபேஸ்புக் பாதுகாப்பனதா


http://srathan.blogspot.com/சில வருடங்களுக்கு முன்பு வரை நம் நண்பர்கள், உறவினர்கள் என்ன செய்கிறார்கள் என்பதை நேரில் சந்திக்கும் பொழுதோ, எப்பொழுதாவது தொலைபேசியில் பேசினாலோ மட்டும் தான் தெரிந்துகொள்ள முடியும். ஆனால் இன்று, நாம் என்ன செய்கிறோம், என்ன நினைக்கிறோம் என்பதை தினமொரு முறை, பலர் மணிக்கொரு முறை பகிர்ந்துகொண்டிருக்கிறோம். உபயம் சமூக வலையமைப்புத்தளங்கள்!!

அதில் ஃபேஸ்புக்கின் பங்கு மிகவும் அதிகம். காலையில் பார்த்த விசயங்கள், மனதில் உதித்த விசயங்கள், விரும்பிய புகைப்படங்கள், வடித்த கவிதைகள், பார்த்த காணொளிகள், வாசித்த கட்டுரைகள் என்று பகிரப்படும் விசயங்களுக்கு அளவே கிடையாது. 

நாங்கள் எடுத்த புகைப்படம்...
.
.
.
எங்கள் குடும்ப நிகழ்ச்சியில் எடுத்த புகைப்படம்..
.
.
.
நானும் இந்த பிரபலமும் சந்தித்த பொழுது எடுத்த புகைப்படம்..
.
.
.
என் தொ(ல்)லை பேசி எண்ணை மாற்றியுள்ளேன். இதோ.. இது தான் என் எண்..
.
.
என்று தன்னைப் பற்றியும் தங்களது எண்ணங்களையும் ஃபேஸ்புக் பக்கங்களில் பகிர்ந்துகொண்டேயிருக்கிறோம். 

சில சமயங்களில் விபத்து கொலை போன்ற சம்பவங்களையும், அஞ்சலிகளையும் பகிர்ந்தாலும், நம் எண்ணங்களே பிரதானமாக இடம் பிடிக்கின்றன பகிர்தலில். சில கேள்விகள் எழுகின்றன. நாம் பகிரும் விசயங்களை யார் யார் பார்க்கிறார்கள் என்பது நமக்குத் தெரியுமா? நாம் பகிரும் புகைப்படங்கள் யார் யாருக்கெல்லாம் அனுப்பப்படுகின்றதென தெரியுமா?

"என் புகைப்படங்களை வைத்து என்ன செய்யப்போகிறார்கள்? நான் என்ன பெரிய பிரபலமா?" என்ற எண்ணம் நமக்குள் எழத்தான் செய்யும். ஆனால், நாம் பகிரும் விசயங்களால் நமக்கு எந்த திசையில் இருந்தும் சங்கடங்கள் நேரலாம். நம் பகிர்தலை யார் யார் எல்லாம் பார்க்கலாம் என்பதை தேர்வு செய்யும் வரை!!

என் தோழி ஒருவர் தான் ஒரு பிரபலத்துடன் சில புகைப்படங்களை எடுத்திருக்கிறார். அந்த பிரபலமும் அவரது புகைப்படத்தொகுப்பில் அந்தப் படங்களைச் சேர்த்துள்ளார்.  தோழி அந்தத் தொகுப்பை தன் நண்பர்கள் அனைவருக்கும் பகிர்ந்தார். நமக்குத் தான் பிரபலங்களின் படங்களைப் பார்ப்பதில் ஆர்வமாச்சே. அந்தத் தொகுப்பைப் பார்த்தால் அவரது குடும்ப உறுப்பினர்களின் படங்களெல்லாம் உள்ளன. அதில் பல இதுவரை ஊடகத்தில் வெளியாகாத படங்கள்!!

அந்தப் பிரபலம் இதை எதிர்பார்த்திருப்பாரா?

அவர் செய்யாததென்ன?

தன் பகிர்தலை யார் யார் பார்க்க முடியும்? யார் யார் பிறரிடம் பகிரமுடியும் என்ற Settingsஐச் சரியாகத் தேர்ந்தெடுக்காதது தான்.


http://srathan.blogspot.com/


ஃபேஸ்புக் நிறுவனத்தினர், தளத்தின் பயணர்களின் பாதுகாப்பிற்கு முக்கியத்துவம் அளிப்பதில்லை என்ற குற்றச்சாட்டு பரவலாக எழுந்துவருகிறது. ஃபேஸ்புக் தளத்தினர் இந்த குற்றச்சாட்டிற்குப் பதிலளிக்கும் வகையில் பாதுகாப்புக் கட்டுப்பாடை (Privacy Settings) மேலும் பலப்படுத்தியுள்ளனர். இனி நம் பாதுகாப்பிற்கு நாமே முழுப்பொறுப்பு.

சரி.. ஃபேஸ்புக்கின் தளத்தில் கவனிக்கப்படவேண்டியவை எவை?

பகிர்தல்:



http://srathan.blogspot.com/நாம் பகிரும் விசயங்களை யார் யார் பார்க்கலாம்? அனைவரும் பார்க்கலாம், நண்பர்கள், நண்பர்களின் நண்பர்கள், தேர்ந்தெடுக்கப்பட்ட நண்பர்கள் என்று நான்கு பிரிவாகப் பிரிக்கலாம். அனைவரும் என்று தேர்ந்தெடுக்கும் பொழுது இணையத்தில் உள்ள அனைவரும் நம் பகிர்தலைப் பார்க்க முடியும். இதைத் தேர்ந்தெடுக்கும் முன்பு கொஞ்சம் யோசிக்கவும்.  சில சமயங்களில் சிலர் மட்டுமே பார்க்கும் படியான தகவல்களையோ, கருத்துகளையோ பகிர்கிறோம் என்றால், யார் யார் பார்க்கவேண்டும் என்பதையும் தனித்தனியாகத் தேர்ந்தெடுக்கலாம்.




அடிப்படைத் தகவல்கள்:


http://srathan.blogspot.com/
நம்மைப் பற்றிய அடிப்படைத் தகவல்களான பெயர், பால், ஃபேஸ்புக் பிரதான புகைப்படம் முதலியவை அனைவருக்கும் தெரியும் வகையிலேயே வடிவமைக்கப்பட்டிருக்கும். நம் நண்பர்கள் நம்முடன் தொடர்பு கொள்ள இது வசதியாக இருக்கும் என்பதால்..












சேவைகள், இணையதளங்கள்:



திடீரென்று நம் நண்பர்களிடம் இருந்து "எனது பக்கத்து பூமி காலியாக இருக்கிறது. வந்து விவசாயம் செய்யவும் என்று ஒரு அழைப்பு வரும். என்ன வென்று பார்த்தால் Farmville, Fishville என்று ஒரு விளையாட்டுச் சேவைகளாக இருக்கும்.  சிலவமயம் ஃபேஸ்புக்  பக்கத்தைப் பார்த்தால் நான் ஆடு வளத்தேன், பன்னிக்குட்டியைப் பார்த்தேன் என்று எங்கும் அவர்கள் இணையத்தில் விவசாயம் செய்வதாக இருக்கும்." இது போன்ற அழைப்புகள், பகிர்தல்களால் கடுப்பாகிறவராக நீங்கள் இருந்தால்.. இது போன்ற சேவைகளையே துண்டிக்கலாம் (Block).

அதற்கான வசதியையும் ஃபேஸ்புக் தளத்தினர் கொடுத்திருக்கிறார்கள்.

முக்கியமாக செய்யவேண்டிய விசயம்.. எந்த ஒரு அழைப்போ, கேள்வியோ வரும் பொழுது நன்றாகப் படித்துப்பார்த்து ஆம் இல்லை என்று தேர்வு செய்யவும்.  பல தளங்கள், சேவைகள் நாம் அச்சேவையைப் பயன்படுத்த ஆரம்பிக்கும் பொழுதே "உங்கள் நண்பர்களின் பட்டியலை எடுத்துக்கொள்ளவா?" என்று கேட்கின்றன. பின் அவை உங்கள் பெயரால் உங்கள் நண்பர்களுக்கு செய்திகள் அனுப்புவார்கள் (எப்படி செய்தி என்று சொல்லவா வேண்டும்.


இங்கே நான் கூறியுள்ளவை யாவும் ஃபேஸ்புக் தளத்தில் கொடுக்கப்பட்டவையே. ஒரு பத்து நிமிடத்தை உங்கள் பாதுகாப்பிற்காக ஒதுக்குவது சரிதானே?


கடைசியா ஒரு ஜோக் 

http://srathan.blogspot.com/


 

Read More